नेपाल बिच एसियन गेम्समा काश्यमा सीमित, सेमिफाइनलमा श्रीलंकासँग पराजित
हाम्रा कुरा
प्रकाशित २०८३ वैशाख १३ आइतबार
1.6k
Shares
काठमाडौँ । छैटौँ बिच एसियन गेम्स २०२६ अन्तर्गत महिला बिच कबड्डीमा नेपाल कास्य पदकमै सीमित भएको छ । सेमिफाइनलमा श्रीलंकासँग पराजित भएसँगै नेपाल कास्यमा सीमित भएको हो ।
आइतबार बिहान भएको समूह चरणको अन्तिम खेलमा बंगलादेशलाई पराजित गर्दै समूह विजेताको रुपमा सेमिफाइनल खेलेको नेपालले सेमिफाइनलमा श्रीलंकासँग ४६-२३ ले पराजित भएको हो।
पहिलो हाफमा नै २४-१२ ले पछि परेको नेपालले दोस्रो हाफमा पनि पुनरागमन गर्न सकेन । नेपालले समूह चरणको पहिलो खेलमा चाइनिज ताइपेईलाई ४८–३२ ले तथा दोस्रो खेलमा थाइल्याण्डलाई ४९-३३ ले हराएको थियो ।
समूह चरणको तेस्रो खेलमा नेपालले बंगलादेशलाई ३८-३६ को साँघुरो अन्तरले हराएको थियो ।
महिलातर्फको उपाधिका लागि भारत र श्रीलंका भिड्ने छन् । सेमिफाइनलमा भारतले बंगलादेशलाई ५० -३१ ले पराजित गरेको थियो ।
