-
-
-
-
काठमाडौँ । गुल्मीको गुल्मीदरबार गाउँपालिका–४ वीरबासस्थित मिसुकामा आज एउटा जीप दुर्घटना हुँदा दुई जनाको मृत्यु भएको छ भने ११ जना घाइते भएका छन्। लु१च ४९०६ नम्बरको जीप दुर्घटनामा परेको हो।
जिल्ला प्रहरी कार्यालयका सूचना अधिकारी गङ्गा सारुका अनुसार दुर्घटनामा सोही ठाउँका ३५ वर्षीय कृष्ण ढेंगा र ४० वर्षीया मीना सनामीको ज्यान गएको छ।
घाइते भएका ११ जनामध्ये तीन वर्षीया बालिका चाया ढेंगाबाहेक अन्य सबैलाई थप उपचारका लागि पाल्पा पठाइएको प्रहरीले जनाएको छ। दुर्घटनाको थप विवरण र कारणबारे अनुसन्धान भइरहेको छ।
