दाउन्नेमा तीन सवारी आपसमा ठोक्किँदा तीनको मृत्यु, १५ घाइते
हाम्रा कुरा
प्रकाशित २०८२ चैत १४ शनिबार
679
Shares
नवलपरासी । नवलपरासीको दाउन्ने क्षेत्रमा भएको सवारी दुर्घटनामा तीन जनाको ज्यान गएको छ भने १५ जना घाइते भएका छन्।
जिल्ला प्रहरी कार्यालयका सूचना अधिकारी डीएसपी वीरदत्त पन्तका अनुसार मृतकमध्ये एक जनाको सनाखत भएको छ।
रोल्पाका २५ वर्षीय गोविन बुढाको पहिचान खुलेको छ भने अन्य दुई जनाको सनाखत हुन बाँकी रहेको डीएसपी पन्तले बताए।
मृतक तीनै जना पुरुष रहेका छन्।
गएराति करिब १ बजे बर्दघाट नगरपालिका-४ घ्यूखोलामा तीन ओटा सवारी साधन एकआपसमा ठोक्किँदा दुर्घटना भएको हो।
बुटवलतर्फ जाँदै गरेको ना७ख ९३९८ नम्बरको ट्रक र सोही दिशाबाट गइरहेको लु२ख २३५१ नम्बरको बसले अगाडि जाँदै गरेको ना५ख २२७५ नम्बरको पिकअप गाडीलाई ठक्कर दिएका थिए।
ठक्करपछि बस र ट्रक करिब २०० मिटर तल खसेको प्रहरीले जनाएको छ।
दुर्घटनामा घाइते भएका १५ जनाको विभिन्न अस्पतालमा उपचार भइरहेको छ।
