-
-
-
-
टर्किए । शुक्रवार टर्किएको उत्तरी प्रान्त टोकाटमा ५.५ रेक्टर स्केलको भूकम्प गएको छ । देशको विपद् व्यवस्थापन प्राधिकरणकाअनुसार हालसम्म कुनै मानवीय वा भौतिक क्षतिको विवरण प्राप्त भएको छैन ।
विपद् तथा आपतकालीन व्यवस्थापन प्राधिकरणले जनाएअनुसार स्थानीय समय अनुसार बिहान ०३ः३५ बजे (००३५ जीएमटी) निक्सार जिल्लामा भूकम्प गएको थियो ।
यसको धक्का छिमेकी प्रान्तहरूमा पनि महसुस गरिएको थियो । हाल घटनास्थलको मूल्याङ्कन र क्षतिको निरीक्षण कार्य भइरहेको छ । एजेन्सी
