-
-
-
-
काठमाडौं । काठमाडौँको दरबारमार्गस्थित उडल्याण्ड होटलमा आज बिहान आगलागी भएको छ। जिल्ला प्रहरी परिसर काठमाडौँका अनुसार बिहान १०:१५ बजेतिर होटलमा आगो सल्किएको हो।
परिसरका प्रमुख एवं प्रहरी वरिष्ठ उपरीक्षक (एसएसपी) रमेश थापाले आगलागी नियन्त्रणमा लिने प्रयास भइरहेको जानकारी दिएका छन्। आगो निभाउनका लागि नेपाल प्रहरीको टोली र दमकलहरू घटनास्थलमा खटिएका छन्। आगलागी हुनुको वास्तविक कारण भने अहिलेसम्म खुल्न सकेको छैन।
