काठमाडौँ । नेपाली बजारमा सोमबार छापावाला सुनको भाउ प्रतितोला तीन लाख नौ हजार रुपैयाँ पुगेको छ ।
यसअघि आइतबार प्रतितोला तीन लाख तीन हजार आठ सय रुपैयाँमा कारोबार भएको सुनको सोमबार एकै दिन पाँच हजार दुई सय रुपैयाँ बढेर सोमबार इतिहासकै नयाँ रेकर्ड कायम भएको हो ।
यता सोमबार असली चाँदीको भाउ पनि भारी वृद्धि भएको छ । आइतबार प्रतितोला छ हजार चार सय ८० रुपैयाँमा कारोबार भएको चाँदीको भाउ सोमबार तोलामा दुई सय ८५ रुपैयाँ बढेर छ हजार सात सय रुपैयाँ पुगेको छ ।
नेपाल सुनचाँदी रत्न तथा आभूषण महासंघका अनुसार सोमबार कायम भएको चाँदीको मूल्य इतिहासकै उच्च हो ।
तस्बिरमा काठमाडौँको नयाँ सडक क्षेत्रको सुनचाँदी पसल देखिएको चहलपहल हो ।
