रिलायन्स स्पिनिङ मिल्सको आईपीओमा आवेदन दिने आज अन्तिम दिन
हाम्रा कुरा
प्रकाशित २०८२ पुष ११ शुक्रबार
701
Shares
काठमाडौँ । रिलायन्स स्पिनिङ मिल्स लिमिटेडको प्रारम्भिक सार्वजनिक निष्काशन (आईपीओ) मा आवेदन दिने आज अन्तिम दिन रहेको छ । कम्पनीले गत पुस ७ गतेदेखि सर्वसाधारणका लागि नौ लाख २४ हजार ७६८ कित्ता साधारण शेयर निष्कासन गरेको हो ।
कम्पनीले कुल ११ लाख ५५ हजार आठ सय ६० कित्ता साधारण शेयर सार्वजनिक निष्कासन गर्ने क्रममा पाँच प्रतिशत (५७ हजार ७८८ कित्ता) सामूहिक लगानी कोषका लागि, १० प्रतिशत (एक लाख १५ हजार ५४६ कित्ता) नेपाल सरकारको सम्बन्धित निकायबाट श्रम स्वीकृति प्राप्त गरी वैदेशिक रोजगारीमा रहेका नेपाली नागरिकका लागि र पाँच प्रतिशत (५७ हजार सात सय ८८ कित्ता) कम्पनीका कर्मचारीका लागि सुरक्षित गरिएको छ । बाँकी रहेको नौ लाख २४ हजार सात सय ६८ कित्ता शेयर सर्वसाधारणका लागि जारी गरिएको हो ।
लगानीकर्ताले नेपाल धितोपत्र बोर्डबाट स्वीकृति प्राप्त आस्बा सदस्य बैंक तथा वित्तीय संस्थाहरू र तिनले तोकेका शाखा कार्यालयमार्फत आवेदन दिन सक्नेछन् ।
साथै, ‘मेरो शेयर’ प्रणालीबाट पनि आवेदन दिन सकिने व्यवस्था गरिएको छ । यस आईपीओमा न्यूनतम ५० कित्ता र अधिकतम् २० हजार कित्तासम्म आवेदन दिन सकिनेछ ।
कम्पनीको आईपीओ निष्काशन तथा बिक्री प्रबन्धकको जिम्मेवारी ग्लोबल आईएमई क्यापिटल लिमिटेडले सम्हालेको छ ।
यसअघि कम्पनीले गत मंसिर २२ गतेदेखि पहिलो चरणअन्तर्गत उद्योग प्रभावित क्षेत्रका बासिन्दा तथा वैदेशिक रोजगारीमा रहेका नेपाली नागरिकका लागि आईपीओ जारी गरिसकेको थियो ।
