काठमाडौँ । सुपर खुदी हाइड्रोपावर लिमिटेडले सर्वसाधारणका लागि प्राथमिक शेयर (आईपीओ) निष्काशन गर्न अनुमति पाएको छ। नेपाल धितोपत्र बोर्डले आइतबार कम्पनीलाई आईपीओ निष्कासनको स्वीकृति दिएको हो ।
बोर्डबाट अनुमति पाएसँगै कम्पनीले अब ३१ करोड रुपैयाँ बराबरको ३१ लाख कित्ता शेयर निष्कासन गर्नेछ । यस आईपीओको बिक्री तथा निष्काशन व्यवस्थापनको जिम्मा ग्लोबल आईएमई क्यापिटलले पाएको छ।
कम्पनी हाल लमजुङ जिल्लामा २६ मेगावाट क्षमताको ‘अपर खुदी’ जलविद्युत आयोजना निर्माणमा जुटिरहेको छ । सुपर खुदीका अध्यक्ष चेतन प्रधान हुन् ।
कम्पनीको सञ्चालक समितिमा गणेश कार्की, बटु लामिछाने, निभिता प्रधान सदस्य छन् भने दलबहादुर विष्ट स्वतन्त्र सञ्चालकको रूपमा रहेका छन्।
