-
-
-
-
उदयपुर । उदयपुरको त्रियुगा नगरपालिका-१४ स्थित ढुङ्ग्रेकी सात वर्षीया बालिका सुनकोशी नदीमा नुहाउने क्रममा बेपत्ता भएकी छन् ।
जिल्ला प्रहरी कार्यालयकाअनुसार स्थानीय अर्जुन तामाङको सात वर्षीया छोरी अनुसा तामाङ डुबेर बेपत्ता भएकी हुन्।
त्रिनपा-१४ का वडाध्यक्ष हेमराज मगरका अनुसार साथीहरूसँग सुनकोशीमा नुहाउन गएकी अनुशा पौडी खेल्न नदीमा पस्दा बेपत्ता भएकी हुन् ।
घटनालगत्तै प्रहरीलाई खबर गरेकामा प्रहरीले खोजी जारी राखेको जिल्ला प्रहरी कार्यालयका प्रहरी नायब उपरीक्षक केदारमान दोङले बताए ।
