-
-
-
-
काठमाडौँ । इजरायली सुरक्षा बल (आइडीएफ) ले हमासले फिर्ता पठाएका चार जनाको शव पहिचान गरेको छ ।
तीमध्ये दुई जनामध्ये नेपाली विद्यार्थी बिपिन जोशी र गाई इलोजको नाम बाहिर आएको छ । बाँकी दुई जनाको नाम परिवारको अनुरोधमा हाललाई गोप्य राखिएको छ ।
आईडीएफका अनुसार बिपिनको हत्या युद्धको पहिलो केही महिनामै भएको अनुमान गरिएको छ ।
गाई इलोज भने अपहरणको समयमा घाइते भएका थिए र पर्याप्त उपचार नपाएकै कारण कैदमा मृत्यु भएको अनुमान रहेको छ ।
बिपिनलाई किब्बुत्ज अलुमिमको आश्रयस्थलबाट हमासले अपहरण गरेको आईडीएफले जनाएको छ ।
राष्ट्रिय फरेन्सिक मेडिसिन केन्द्रले मृत्युको परिस्थितिको जाँच पूरा गरेपछि अन्तिम निष्कर्ष निकाल्नेछ ।
