काठमाडौँ । दशैँ सम्पूर्ण नेपालीहरुको लागि विशेष पर्व हो । आफन्त, साथीभाइहरूसँग भेटघाट, ठूलाका हातबाट आशीर्वाद स्वरूप टीका, जमरा, खानपिन सँगसँगै पिङ खेली दशैँ मनाउने गरिन्छ ।
दशैँमा गाउँघरमा थालिएको पिङ आकर्षक र मनोरञ्जनको साधनको रुपमा रहने हुँदा पिङ खेली रमाउने प्रचलन रहेको छ ।
गाउँघरमा विशेष गरी लिङ्गे पिङ, रोटे पिङ थापिने गरिन्छ । लिङ्गे पिङ बाँस र डोरी प्रयोग गरी बनाइएको हुन्छ भने रोटे पिङ काठको प्रयोग गरी बनाइएको हुन्छ ।
यसरी दशैँ र तिहारमा मात्र बनाइने पिङ अरु समयमा खेल्न नपाउने हुँदा गाउँघरमा यति बेला पिङ खेल्नेको भीड लाग्ने गर्दछ ।
दशैँमा एक पटक घर्ती छोड्नु पर्ने मान्यता र जनविश्वासका कारण पनि दशैँ तिहारमा पिङ खेल्ने गरिन्छ ।
गोरखा जिल्लाको अजिरकोट सिरनडाँडामा पनि सर्वसाधारण लिङ्गे पिङको मजा लिन भेला भएका छन् ।
