सप्तरी । सप्तरीमा शुक्रबार बिहान करेन्ट लागेर एक जनाको ज्यान गएको छ । मृत्यु हुनेमा सप्तरीको रुपनी गाउँपालिका वडा नं ३ कटैयाका शम्भुकुमार इसर छन् ।
गाउँकै धान खेतमा लगाइएको विद्युत् मोटर खोल्ने क्रममा त्यहाँ रहेको नाङ्गो तारमा छोइँदा इसरलाई करेन्ट लागेको थियो । उनको घटनास्थलमै मृत्यु भएको जिल्ला प्रहरीका प्रहरी नायब उपरीक्षक जितेन्द्रकुमार बस्नेतले जानकारी दिए ।
यस वर्ष वर्षा कम हुँदा किसान विजुलीको तार जोडेर मोटरमार्फत जोखिम मोलेर खेतमा पानी लगाउन बाध्य छन् ।
यसका कारण यस वर्ष मुलुकका विभिन्न स्थानमा दर्जन बढीले ज्यान गुमाएका छन् ।
