-
-
-
-
काठमाडौं। नेपाल प्रहरीले ४० किलोग्राम लागूऔषध गाँजासहित पाँच जनालाई पक्राउ गरेको छ।
जिल्ला प्रहरी परिसर काठमाडौंका सूचना अधिकारी अपिलराज बोहराका अनुसार पक्राउ पर्नेमा धादिङ गजुरी–४ का निराजन चेपाङ, प्रकाश चेपाङ र शङ्कर चेपाङ, तथा काठमाडौं महाराजगञ्जका जीवन प्रजा र सुमन चेपाङ रहेका छन्।
उनीहरूको साथबाट प्रहरीले १ लाख २५ हजार रुपैयाँ नगद समेत बरामद गरेको छ। प्रहरीका अनुसार, उनीहरूले काठमाडौं कोटेश्वरस्थित सुननम चेपाङको डेरामा लुकाइछिपाइ राखेको अवस्थामा सो परिमाणको गाँजा राखेको र बिक्री वितरण गरेको पाइएको छ।
