पोखरा । लमजुङमा सवारी दुर्घटना हुँदा एक जनाको ज्यान गएको छ । मृत्यु हुनेमा बेँसीशहर नगरपालिका वडा नं १० का ४५ वर्षीय याकम तामाङ छन् ।
दुर्घटनामा गम्भीर घाइते भएका तामाङको प्रदेश अस्पताल लमजुङमा उपचारका क्रममा मृत्यु भएको जिल्ला प्रहरी कार्यालयले जनाएको छ ।
प्रहरीका अनुसार लमजुङको मर्स्याङ्दी गाउँपालिका वडा नं ३ खुदी बेँसीशहर मनाङ सडक खण्डमा तामाङ सवार ज५प ७०१६ नम्बरको मोटरसाइकल बिएए ०६९९ नम्बरको बोलेरो जिपसँ ठक्कर खाँदा दुर्घटना भएको हो ।
जीप चालकलाई नियन्त्रणमा दिएर दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
