देशमा जलवाष्पयुक्त हावाको प्रभाव : पहाडी क्षेत्रमा चट्याङसहित वर्षा, हिमालीमा हिमपातको सम्भावना
हाम्रा कुरा
प्रकाशित २०८२ जेठ ९ शुक्रबार
524
Shares
काठमाडौँ । मौसम पूर्वानुमान महाशाखाका अनुसार आज (शुक्रबार) देशभरको मौसममा आंशिकदेखि साधारणतया बदली रहनेछ। पश्चिमी वायु, स्थानीय वायु र बङ्गालको खाडी तथा अरब सागरबाट आएको जलवाष्पयुक्त हावाको प्रभावले देशका पहाडी भू-भागमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ।
आज दिउँसो कोशी, मधेश, बागमती, गण्डकी र लुम्बिनी प्रदेशलगायत देशका पहाडी भू-भागमा आंशिकदेखि साधारणतया बदली रहनेछ। बाँकी क्षेत्रमा भने मौसम मुख्यतया सफादेखि आंशिक बदली हुनेछ।
कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा तथा अन्य प्रदेशका पहाडी भू-भागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। देशका उच्च-पहाडी तथा हिमाली भू-भागका एक-दुई स्थानमा हल्का वर्षा वा हिमपातको सम्भावना रहेको विभागले जनाएको छ।
आज राति पनि कोशी, मधेश, बागमती, गण्डकी र सुदूरपश्चिम प्रदेशलगायत देशका पहाडी भू-भागमा आंशिकदेखि साधारणतया बदली रहनेछ। बाँकी भू-भागमा मौसम मुख्यतया सफादेखि आंशिक बदली रहने अनुमान छ।
कोशी प्रदेश, मधेश प्रदेश, बागमती प्रदेश, गण्डकी प्रदेश र सुदूरपश्चिम प्रदेशलगायत अन्य पहाडी भू-भागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। उच्च-पहाडी तथा हिमाली भू-भागका एक-दुई स्थानमा हल्का वर्षा वा हिमपातको सम्भावना कायमै रहनेछ।
मौसमविद्हरूले मेघगर्जन र चट्याङसहितको वर्षा हुने सम्भावना रहेकाले सर्वसाधारणलाई सतर्क रहन आग्रह गरेका छन्।
