-
-
-
-
काठमाडौँ । नेपाल प्रहरीका प्रहरी नायब महानिरीक्षक (डीआईजी) सिद्धिविक्रम शाह प्रहरी अतिरिक्त महानिरीक्षक (एआईजी) मा बढुवा सिफारिस भएका छन् ।
मंगलबार बसेको बढुवा सिफारिस समितिले हाल प्रहरीको विशेष व्युरो प्रमुख रहेका शाहलाई एआईजीमा सिफारिस गरेको हो ।
आगामी जेठ १० गते एआईजी लालमणि आचार्य अनिवार्य अवकाशमा जाने भएसँगै रिक्त हुने स्थानमा शाहलाई सिफारिस गरिएको हो ।
शाह २०५३ सालमा राष्ट्रिय अनुसन्धान विभागमा सेवा प्रवेश गरेका थिए । उनी २०५८ सालमा प्रहरीमा स्थानान्तरण भएका थिए ।
उनी गत मंसिरमा डीआईजीमा बढुवा भएका थिए ।
