काठमाडौँ । कोलकाता नाइट राइडर्सले आईपीएलको ४८औं खेलमा दिल्ली क्यापिटल्सलाई १४ रनले हराएको छ। यो जितसँगै कोलकाताले दिल्लीको अरुण जेटली स्टेडियममा ८ वर्षपछि पहिलो जित दर्ता गरेको छ। यसअघि २०१७ मा कोलकाताले यहाँ विजय हासिल गरेको थियो।
मंगलबार भएको खेलमा दिल्लीले टस जितेर बलिङ रोजेपछि कोलकाताले २० ओभरमा ९ विकेट गुमाएर २०४ रन बनाएको थियो। जवाफमा दिल्लीले २०५ रनको लक्ष्य पछ्याउँदै २० ओभरमा ९ विकेट गुमाएर १९० रन मात्र बनाउन सक्यो।
कोलकाताको जितमा सुनील नरेनले उत्कृष्ट प्रदर्शन गरे। उनले ३ विकेट लिए र एक रनआउट पनि गरे। उनलाई प्लेयर अफ द म्याच घोषित गरियो। वरुण चक्रवर्तीले २ विकेट लिए भने अन्य बलरले पनि एक-एक विकेट हात पारे।
कोलकाताका लागि अंगकृष रघुवंशीले ४४ र रिंकू सिंहले ३६ रन बनाए। दिल्लीका लागि फाफ डु प्लेसिसले ६२ रन बनाए पनि टोलीलाई जिताउन सकेनन्। मिचेल स्टार्कले दिल्लीका लागि ३ विकेट लिए।
