केएमसीको स्वास्थ्य टोली गोठाटारमा, छ सय बिरामीको निःशुल्क परीक्षण
हाम्रा कुरा
प्रकाशित २०८२ वैशाख ४ बिहिबार
755
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काठमाडौँको गोठाटारमा निःशुल्क स्वास्थ्य उपचार गरेको छ ।
विद्या विकास इङ्गलिश स्कूलको आयोजनामा स्कूलको प्राङ्गणमा भएको स्वास्थ्य शिविरमा ५ सय ६८ जनाको परीक्षण गरेको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
शिविरमा ८२ जनाको भिडियो रेक्सरे, ७२ जनाको ल्याब परीक्षण गरिएको थियो । त्यस्तै ७६ जनाको ईसीजी गरिएको थियो ।
२८ जनाको दाँत निकालिएको थियो ।
डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
