-
-
-
-
काठमाडौँ । भारतीय क्रिकेट खेलाडी महेन्द्र सिंह धोनी फेरि इन्डियन प्रिमियर क्लब आईपीएलमा चेन्नई सुपर किंग्सका कप्तान बनेका छन् ।
धोनीले संन्यास लिने चर्चा चलिरहँदा टिमले उनलाई कप्तान बनाएको हो । पूर्व कप्तान धोनीले गत सिजनदेखि कप्तानी छाडेका थिए ।
तर कप्तान ऋतुराज गायकवाड घाइते हुँदै आईपीएलबाट बाहिरिएपछि कप्तानीको जिम्मेवारी फेरि धोनीकै काँधमा आइपुगेको हो ।
ऋतुराजलाई राजस्थान रोयल्स विरुद्धको खेलका क्रममा बलर तुषार देशपाण्डेको बल कुहिनोमा लागेपछि चोट लागेको थियो ।
उक्त चोटपछि पनि ऋतुराजले दिल्ली क्यापिटल्स र पंजाब किंग्स विरुद्धको खेल खेलेका थिए । तर उनको स्क्यान गर्दा कुहिनो भाँचिएपछि बाहिरिएका हुन् ।
अर्को विकल्प नहुन्जेल धोनी नै कप्तान रहने प्रशिक्षक स्टेफन फ्लेमिङले बताएका छन् ।
