-
-
-
-
अर्घाखाँची । अर्घाखाँची जिल्लाको भूमिकास्थान नगरपालिस्थित खोलामा डुबेर दुई युवकको मृत्यु भएको छ ।
जिल्लाको भूमिकास्थान नगरपालिका वडा नं १० स्थित झिमरुक नदी र छिर्लिङ्ग खोला दोभानको रहमा पौडी खेल्दा धनचौर पुयापाटाका १९ वर्षीय दिलिप नेपाली र सोही स्थानका १७ वर्षीय अशोक नेपालीको मृत्यु भएको हो ।
जिल्ला प्रहरी कार्यालयका निमित्त प्रमुख प्रहरी निरीक्षक विष्णुप्रसाद पौडेलका अनुसार दुवैको शव परीक्षणका लागि जिल्ला अस्पतालमा राखिएको छ ।
घटनाको थप अनुसन्धान भइरहेको प्रहरीले जनाएको छ ।
