पोखरा । त्रिशुली नदीमा खसेर एक युवक बेपत्ता भएका छन् । बेपत्ता हुनेमा साविक चन्द्रेश्वर-३ हाल सुन्दरबजार नगरपालिका लमजुङका २७ बर्षीय रोहित राना रहेको खुलेको छ ।
मोटरसाइकलको टुल बक्समा भटिएकाे कागजातमार्फत उनको पहिचान खुलेको प्रहरीले जनाएको छ । प्रहरीका अनुसार उनी भारतीय सेनामा कार्यरत रहेको पाइएको छ । मोटरसाइकल रोहित रानाको भएको पुष्टि भए पनि चालक फरक हुन पनि सक्ने प्रहरीले भनाइ छ ।
आज बिहान करिब ११ः३० बजे चितवनबाट मुग्लिनतर्फ आउने क्रममा मुग्लिङ-नारायणगढ सडकखण्डको दुई किलोस्थित चट्टाने भीरबाट उनी खसेका हुन् ।
उनी सवार बागमती प्रदेश ०६-०२प९२०४ नम्बरको रोयल इन्फिल्ड मोटरसाइकल सडक छेउको बारमा ठोक्किँदा त्रिशुलीमा खसेको प्रहरीको अनुमान छ ।
मोटरसाइकल भने सडकमै पल्टिएको अवस्थामा भेटिएको छ । उनको खोजीकार्य जारी रहेको चितवन प्रहरीले जनाएको छ ।
