टुँडिखेलमा मगर समुदायले मनायो माघे संक्रान्ति [फोटोफिचर]
हाम्रा कुरा
प्रकाशित २०८१ माघ १ मंगलबार
567
Shares
काठमाडौँ । माघे संक्रान्तिको अवसरमा मगर समुदायले काठमाडौँमा विशेष कार्यक्रमको आयोजना गरेका छन् । नेपाल मगर संघले टुँडिखेलमा आयोजना गरेको कार्यक्रममा मगर समुदायका विभिन्न सांस्कृतिक नृत्य, कला संस्कृति र परिकार प्रदर्शन गरिएको थियो ।
कार्यक्रममा मगर समुदायका बालबालिकादेखि वृद्धवृद्धासम्म आफ्नो सांस्कृतिक पोशाकसहित आएका थिए । मगर समुदायले आफ्ना छोरी–चेलीको पूजा गरी यथाशक्य दक्षिणाका साथ आशीर्वाद दिने चाडका रुपमा माघे सङ्क्रान्ति रहिआएको छ ।
कार्यक्रममा छोरी–चेलीको पूजाका साथै उक्त समुदायको प्रसिद्ध नृत्य हुर्रा, कौरा, मारुनी, भ्याउरे, टप्पा र सालैज्यू नृत्यसहितको गीत–सङ्गीत प्रस्तुत गरिएको थियो ।
