-
-
-
-
काठमाडौँ । प्रतिनिधि सभाको बैठक समयमा शुरु हुन ढिलाई भएको छ । आज दिउँसो २ बजे बस्ने तालिका रहेकोमा दलहरुबीच सहमति नभएपछि बैठक दुई घण्टा ढिला हुन लाग्दासमेत शुरु हुन सकेको छैन ।
कार्यव्यवस्था परामर्श समितिको बैठक बस्न नसक्दा बैठक बस्न ढिला भएको बताइएको छ । सभामुखको सचिवालयका अनुसार नेपाली कांग्रेसले उपप्रधान तथा गृहमन्त्री रवि लामिछानेलाई बैठकमा बोल्न नदिने अडान राखेपछि बैठक समयमा शुरु हुन नसकेको हो ।
अहिलेसम्म कार्यव्यवस्था परामर्श समितिको बैठक समेत बस्न सकेको छैन ।
अहिले दलहरुले आफ्नो दलमा छलफल गरिरहेको र त्यसपछि कार्यव्यवस्था समितिको बैठक बस्ने सभामुखको सचिवालयले जनाएको छ ।
यसअघि सभामुख देवराज घिमिरेले विभिन्न दलका प्रमुख सचेतक र सचेतकहरुसँग दुई पटक छलफल गरेपनि सहमति जुट्न सकेको छैन ।
