दिल्लीले अझै खाता खोल्न सकेन, राजस्थानसँग १२ रनले पराजित
हाम्रा कुरा
प्रकाशित २०८० चैत १६ शुक्रबार
207
Shares
काठमाडौँ । इण्डियन प्रिमियर लिग (आईपीएल) टी–२० क्रिकेट अन्तर्गत बिहीबार रातिको खेलमा राजस्थान रोयल्सले दिल्ली क्यापिटल्सलाई पराजित गरेको छ ।
जयपुरमा भएको खेलमा राजस्थान रोयल्सले दिल्ली क्यापिटल्सलाई १२ रनले पराजित गरेको हो । राजस्थानले दिएको १८६ रनको लक्ष्य पछ्याएको दिल्लीले २० ओभरमा ५ विकेट फुमाउँदै १७३ रन मात्र बनाएको थियो ।
दिल्लीका लागि डेभिड वार्नरले सर्वाधिक ४९ रन बनाए भने ट्रिस्टान स्टब्सले अविजित रहँदै २३ बलमा ४४ रन बनाएका थिए ।
त्यसैगरी राजस्थानका बलर नान्द्रे बर्गर र युजवेन्द्र चहलले २(२ तथा आभेस खानले एक विकेट लिएका थिए ।
यसअघि टस हारेर पहिले ब्याटिङ गरेको राजस्थानले रियान परागको ४५ बलमा अविजित ८४ रनको इनिङ्सको मद्धतले २० ओभरमा ५ विकेट गुमाउँ,दै १८५ रन बनाएको थियो ।
यो जितपछि राजस्थानले लगातार दोस्रो जित हासिल गरेको छ भने दिल्लीले यस सिजनमा लगातार दोस्रो हार बेहोरेको छ ।
अहिलेसम्म दिल्ली, मुम्बई इन्डियन्स र लखनउ सुपर जाइन्टसले मात्र खाता खोलेका छैनन् ।
शुक्रबार कोलकाता नाइट राइडर्स र रोयल च्यालेन्जर्स बेंगलुरूबीच खेल हुनेछ ।
