प्रदेश प्रहरी अस्पताल सारेपछि उद्योग वाणिज्य संघको विरोध

प्रदेश प्रहरी अस्पताल सारेपछि उद्योग वाणिज्य संघको विरोध

विवेक मिश्र,

प्रकाशित २०८० मंसिर २८ बिहिबार

मोरङ । बेलबारीबाट कोशी प्रदेश प्रहरी अस्पताल रातारात सुनसरीको इनरुवामा सारिएको विषयलाई लिएर उद्योग वाणिज्य संघ बेलबारीले विरोध जनाएको छ । एक विज्ञप्ति जारी गर्दै अस्पताल पुनःस्थापना गर्न वाणिज्य संघले माग गरेको छ ।

१५ शय्याको अस्पताल सञ्चालनमा आएको ९ महिनापछि मंगलबार मध्यरात स्थानीय पालिकासँग कुनै समन्वय र सल्लाह इनरुवामा सारिएपछि जनप्रतिनिधि तथा राजनीतिक दलहरूले विरोध जनाउँदै आएका छन् ।

जनप्रतिनिधि तथा राजनीतिक दलले गरेको विरोधप्रति उनीहरूले ऐक्यबद्धता जनाएका छन् । शुक्रबार दिउँसो १ बजे बेलबारी बजारमा सम्पूर्ण राजनैतिक दल शहीदको उपस्थितिमा दबाबमूलक कार्यक्रमसमेत राखिएको उद्योग वाणिज्य संघ बेलबारीका अध्यक्ष अशोक श्रेष्ठले बताए ।