एनसेल खरिद बिक्रीविरुद्ध सर्वोच्चमा रिट दर्ता, छ निकायलाई बनाइयो विपक्षी
हाम्रा कुरा
प्रकाशित २०८० मंसिर २२ शुक्रबार
426
Shares
तस्बिर – फाइल ।
काठमाडौँ । एनसेलको शंकास्पद शेयर खरिद बिक्री प्रकरणविरुद्ध सांसद अमरेशकुमार सिंहले सर्वोच्चमा रिट दायर गरेका छन् ।
सिंहले शुक्रबार एनसेलको शेयर खरिद बिक्रीलाई मान्यता नदिन माग गर्दै विभिन्न ६ ओटा निकायलाई विपक्षी बनाएर रिट दायर गरेका हुन् ।
प्रधानमन्त्री तथा मन्त्रिपरिषदको कार्यालय, सञ्चार तथा सूचना प्रविधि मन्त्रालय, नेपाल दूरसञ्चार प्राधिकरण, कम्पनी रजिष्ट्रारको कार्यालय, आन्तरिक राजश्व विभाग र एनसेललाई विपक्षी बनाएर रिट दायर गरिएको छ।
रिटको प्रारम्भिक सुनुवाइका लागि आइतबार पेशी तोकिएको छ ।
सात वर्षअघि १ खर्ब ४४ अर्बमा एनसेलको ८० प्रतिशत शेयर खरिद गरेको मलेसियाको आजियाटा कम्पनीले हालसालै नेपाली संस्थापक रहेको बेलायती कम्पनी स्पेक्ट्रेलाइट यूकेलाई जम्मा ६ अर्ब ५० करोडमा बिक्री गरेको छ ।
उक्त बिक्री कर छलि र ६ वर्षपछि सरकारीकरण हुने क्रममा रहेको एनसेलको सम्पतीलाई रोक्नका लागि गरिएको आरोप एनसेलमाथि लाग्दै आएको छ।
