arrow

प्रदीप पौडेलको टोलीले भूकम्प पीडितका अस्थायी आवास बनाउँदै [फोटोफिचर] 

logo
हाम्रा कुरा
प्रकाशित २०८० मंसिर ६ बुधबार
pradip-poudel-jajarkot (11).jpg

जाजरकोट । नेपाली कांग्रेसका नेता प्रदीप पौडेल नेतृत्वको टोलीले भूकम्पबाट प्रभावित जाजरकोटमा अस्थायी आवास निर्माणको कार्य गरिरहेको छ । 

पार्टीको निर्णयअनुसार पौडेल नेतृत्वको टोली पुगेर नलगाड नगरपालिका वडा नम्बर ५ स्थित रघुनाथ टोलमा मंगलबारदेखि अस्थायी टहरा निर्माणको काम गरिरहेको हो । 

मंगलबारदेखि थालेको काम बुधबार पनि जारी राखेको कांग्रेस महासमिति सदस्य सुशील भट्टले जानकारी दिए । उनका अनुसार टोलीले करिब १०० स्थानीयको अस्थायी आवास निर्माणमा सहयोग गर्ने लक्ष्य लिएको छ । 

१५० जनाको टोलीले क्षतिग्रस्त भएका घरहरुको भग्नावशेष पन्छाउन पनि सहयोग गरिरहेको छ ।

टोलीमा नेता पौडेलसहित प्रदेश सभा सदस्य दिल्लीराम सुवेदी, महासमिति सदस्यद्वय सदस्य सुशील भट्ट र महेन्द्र  शाह, नेपाली कांग्रेसका कार्यालय सचिव मुक्ति आचार्य, नेता इन्जिनियर दीपकबाबु कँडेल ,  नेपाली कांग्रेस जाजरकोट जिल्ला सहसचिव छवि पन्त, नलगाड नगरपालिका वडा नं ५ का वडाध्यक्ष ओमराज ओलीसहित नेताहरु भागवत् रेग्मी, पुस्प बस्नेत, सुबास घिमिरे, नेबिसंघका  १० जना केन्द्रीय सदस्य लगायतका नेता कार्यकर्ता रहेका छन् । 

सोमबार बिहान सभापति शेरबहादुर देउवाको निवास धुम्बाराहीमा बसेको पदाधिकारी बैठकले अस्थायी आवास बनाउन स्वयंसेवक खटाउने निर्णय गरेको थियो। 

जसअनुसार कांग्रेसले इन्जिनियर, डकर्मीसहित २५ वटा टोली भूकम्प प्रभावित क्षेत्रमा टहरा बनाउन परिचालन गर्ने निर्णय गरेको थियो । उक्त निर्णयलगत्तै पौडेल नेतृत्वको पहिलो टोली भूकम्प प्रभावित क्षेत्रतिर गएको हो । 

 पौडेल नेतृत्वको टोली नलगाड नरगपालिका ४ र ५ नम्बर वडामा खटिनेछ । टोलीमा नेपालगन्ज र सुर्खेतबाट ३५ जना सिकर्मी–डकर्मी, ५–६ जना इन्जिनियर समेत लगिएको पौडेलले जानकारी दिए ।

pradip-poudel-jajarkot (1).jpg
pradip-poudel-jajarkot (2).jpg
pradip-poudel-jajarkot (3).jpg
pradip-poudel-jajarkot (4).jpg
pradip-poudel-jajarkot (5).jpg
pradip-poudel-jajarkot (6).jpg
pradip-poudel-jajarkot (7).jpg
pradip-poudel-jajarkot (8).jpg
pradip-poudel-jajarkot (9).jpg
pradip-poudel-jajarkot (10).jpg


नयाँ