-
-
-
-
काठमाडौँ । पुतली बाजेका नामले परिचित कलिन फिलिप स्मिथको ८७ वर्षको उमेरमा निधन भएको छ ।
पोखरास्थित हरियोखर्क अस्पतालमा उपचारका क्रममा शनिवार उनको निधन भएको हो ।
पुतली बाजेको पार्थिव शरीरलाई पोखरा महानगरपालिले सम्मानका लागि अन्तिम श्रद्धाञ्जलीमा राखिएको छ ।
नेपालमा पाइने पुतली अभिलेखीकरण गर्नेमा उनको नाम पहिलो नम्बरमा आउँछ ।
उनले पुतलीको खोजीमा ५० वर्ष बिताएका थिए ।
२०२२ मा बेलायतबाट युनाइटेड मिसन टु नेपालमार्फत पढाउन नेपाल आएका उनी पुतलीको खोजीमा जुटे ।
३० वर्षको उमेरमा नेपाल आएका पुतली बाजे त्यसपछिका ५८ वर्षसम्म पोखरामा रहे ।
