युक्रेनलाई अमेरिकी सहयोग अवरोध हुन दिन सक्दैनौँ : बाइडेन

हाम्रा कुरा

प्रकाशित २०८० असोज १५ सोमबार

वासिङ्टन। अमेरिकी राष्ट्रपति जो बाइडेनले युक्रेनलाई अहिले अमेरिकी सहयोग जारी रहने बताएका छन्। युक्रेनमा जारी युद्ध प्रयासमा सहयोगी मुलुकहरूलाई अमेरिकी वित्तीय सहयोग जारी राख्ने आश्वासन दिएका कारण बाइडेनले सो कुरा बताएका हुन्।

यद्यपि राष्ट्रपति बाइडेनले अमेरिकी काँग्रेसलाई समय घर्किँदै गइरहेको चेतावनी दिए। “युक्रेनलाई कुनै पनि कारणले हामी अमेरिकी सहयोगलाई अवरोध हुन दिन सक्दैनौँ”, शनिवार अबेर काँग्रेसले अल्पकालीन सहयोग प्याकेज पास गरेर सरकारी सेवाहरू बन्द हुनबाट जोगाएपछि रुजबेल्ट रुमबाट बाइडेनले भने।

“हामीसँग समय छ, धेरै समय छैन र तत्कालका लागि अधिक भावना छ”, सहयोग बिलको समय मध्य नोभेम्बरसम्मका लागि मात्र रहेको उल्लेख गर्दै उनले भने।

उनले सहयोग प्याकेजमा सकेसम्म चाँडोभन्दा चाँडो वार्ता गर्न काँग्रेसलाई आग्रह गरे। “सिनेट र हाउससहित दुवै पार्टीका डेमोक्र्याट र रिपब्लिकनको ठूलो बहुमतले रुसबाट भएको क्रूर आक्रमणमा युक्रेनलाई सहयोग गर्न समर्थन गर्दछ”, राष्ट्रपति बाइडेनले काँग्रेसलाई भने, “खेल बन्द गरौँ र युक्रेनलाई सहयोग गरौँ।”

तर अधिकांश विधायकहरूले युक्रेन सहायताका लागि काँग्रेसमा स्वीकृत हुँदै गर्दा युद्धको अवधि लम्बिँदै गएकाले अझ कठिन हुँदै गएको स्वीकार गरेका छन्। युक्रेनलाई सहायता दिनेसम्बन्धी प्रयासमा अहिले रिपब्लिकनहरूको अवरोधले गति पाइरहेको छ।