-
-
-
-
काठमाडौं । शिक्षकहरूले आज दोस्रो दिन पनि काठमाडौँमा प्रदर्शन जारी राखेका छन् ।
सरकारले संसद सचिवालयमा दर्ता गरेको विद्यालय शिक्षा विधेयकको विरोधमा देशभरका शिक्षकहरू काठमाडौँमा आन्दोलनका लागि आएका हुन् ।
बुधवारबाट शुरु भएको काठमाडौं केन्द्रित आन्दोलन माग पूरा नहुन्जेलसम्म चल्ने बताइएको छ ।
शिक्षकहरू आन्दोलनमा उत्रिएसँगै सामुदायिक विद्यालयको पठनपाठन रोकिएको छ । विद्यार्थीहरू विद्यालय पुगेर फर्किएका छन् ।
आन्दोलनका कारण उपत्यकाको ट्राफिक व्यवस्था अस्तव्यस्त बनेको छ । वानेश्वरदेखि माइतीघरसम्म आन्दोलनका कारण गाडीहरू जाममा परेका छन् ।
त्यसको प्रभाव काठमाडौं भर परेको छ ।
