काठमाडौं । भारतमा जारी इन्डियन प्रिमियर लिग (आईपीएल) क्रिकेटमा दिल्ली क्यापिटल्स विजयी भएको छ । गएराति हैदराबादको मैदानमा भएको खेलमा दिल्लीले सनराइजर्स हैदराबादलाई ७ रनले पराजित गर्यो ।
पहिले ब्याटिङ गरेको दिल्लीले ९ विकेटको क्षतिमा १४४ रन बनायो । मनिष पाण्डे र अक्षर पटेलले समान ३४ रन बनाए । दिल्लीका एक्ला खम्बा कप्तान डेभिड वार्नरले २१ रन जोडे । हैदराबादका लागि वासिंगटन सुन्दरले सर्वाधिक ३ विकेट लिए ।
जवाफमा मध्यम चुनौती हैदराबादले ६ विकेट गुमाएर १३७ रनमात्र बनायो । मयंक अग्रवालले ४९ तथा हेन्रिच क्लासेनले ३१ रन बनाए । एन्रिच नोट्जे र अक्षर पटेलले २–२ विकेट लिए ।
अक्षर प्लेयर अफ द म्याच भए । जारी सिजनमा सबैभन्दा कमजोर आँकिएको दिल्लीले दोस्रो जित हासिल गर्दै फर्ममा फर्केको संकेत गरेको छ ।
अंक तालिका
चेन्नई सुपर किंग्स ७ खेलमा १० अंकसहित शीर्ष स्थानमा रहेको छ । ७ खेलबाट ८ अंकसहित राजस्थान रोयल्स दोस्रो स्थानमा छ । लखनउ सुपर जाइन्टस ७ खेलबाटै ८ अंकसहित तेस्रो स्थानमा छ ।
गुजरात टाइटान्स ६ खेलबाट ८ अंकसहित चौथो, रोयल च्यालेन्जर्स बेंगलोर ७ खेलबाट ८ अंकसहित पाँचौं तथा पञ्जाब किंग्स ७ खेलबाट ८ अंकसहित छैटौं स्थानमा छ ।
मुम्बई इन्डियन्स ६ खेलबाट ६ अंकसहित सातौैं स्थानमा रहेको छ ।
७ खेलबाट कोलकाता नाइट राइडर्स, सनराइजर्स हैदराबाद र दिल्ली क्यापिटल्सको समान ४ अंक छ ।
आजको खेल
आज एउटा खेल हुँदैछ । बेलुकी ७ः४५ बजे गुजरात टाइटान्स र मुम्बई इन्डियन्स भिड्दै छन् । खेल अहमदाबादमा हुनेछ ।
