देशमा सांसद र मन्त्रीको कारखाना मात्रै खोलियो : चित्रबहादुर केसी
हाम्रा कुरा
प्रकाशित २०७९ पुष २५ सोमबार
986
Shares
काठमाडौँ। राष्ट्रिय जनमोर्चाका अध्यक्ष चित्रबहादुर केसीले सङ्घीय शासन प्रणालीले देशको अर्थतन्त्र ओरालो लागेको बताएका छन्। प्रतिनिधिसभाको जारी बैठकलाई सम्बोधन गर्दै उनले भएका कारखाना बन्द गरेर मन्त्री र सांसदहरूको सङ्ख्या बढेपछि देशको अर्थतन्त्र बिग्रिएको बताए।
‘सङ्घीय लोकतान्त्रिक व्यवस्थापछि देश स्वीटजरल्याण्ड हुन्छ भनेर संविधान बनाउँदाको बखत पानी खाँदै वकालत गरेको सुनेको थिए। भयो त त्यस्तो ?,’ उनले भने, ‘ देशमा उद्योग कलकारखाना खोल्नु नपर्ने, भएका उद्योग कलकारखाना निजीकरण गर्ने, कारखाना सङ्घीय प्रणालीअनुसार खोलिएको भनेको मन्त्री र सांसदहरूको।’
देशमा मन्त्री र सांसदहरू धेरै हुँदा अर्थतन्त्रले नधान्ने भन्दै उनले अब सङ्घीयता नटिक्ने दाबी गरे। घुस खानु र भ्रष्टाचार गर्नु नैतिक अधिकार जस्तो भएको भन्दै अध्यक्ष केसीले गणतन्त्र र संसदीय व्यवस्थाप्रति जनताको निराश बढेको बताए। गणतन्त्रप्रति जोखिम गणतन्त्रका लागि लडेका नेताहरूबाट हुने उनको भनाइ छ।
