काठमाडौँ। एनसेल आजियाटा लिमिटेडले आठौँ संविधान दिवसको अवसरमा आइतबार (असोज २) बाट लागु हुने गरी नयाँ दुई विशेष अफर सञ्चालन ल्याउँदै छ। यो अफर अन्तर्गत ग्राहकहरूले आकर्षक अनलिमिटेड डेटा र अन नेट भ्वाइस प्याकका साथै अल नेट भ्वाइस र एसएमएस प्याकको फाइदा लिन सक्छन्।
एक दिने अनलिमिटेड डेटा र अन नेट भ्वाइस प्याक मात्र रु ५९ मा
मात्र रु ९५ मा तीन दिन समयावधि भएको अल नेट २०० मिनेट टक टाइम र २०० वटा एसएमएस
यी प्याकहरू आइतबारबाट तीन दिनका लागि मात्र सञ्चालनमा रहनेछन्। यसको मतलब ग्राहकहरूले यी प्याकहरू आइतबार देखि मङ्गलवार अर्थात् असोज २ देखि ४ गतेसम्ममात्र लिन पाउनेछन्। असोज ३ गते सोमबार आठौँ संविधान दिवस मनाइँदै छ।
ग्राहकहरूले एक दिन समयावधि रहेको अनलिमिटेड डेटा र अन नेट भ्वाइस प्याक कर सहित रु ५९ खरिद गर्न सक्छन् । यो प्याक सुचारु गरेपछि ग्राहकले एक दिन अर्थात् २४ घण्टासम्म अनलिमिटेड डेटा र अन नेट भ्वाइस सेवा लिन पाउँछन्।
एनसेल बाहेक अन्य सेवा प्रदायकका नम्बरहरूमा यो अफर अवधिभर अझ सुलभ दरमा कल गर्न र एसएमएस पठाउन ग्राहकले मात्र रु ९५ मा २०० मिनेट अल नेट टक टाइम र २०० वटै एसएमएस बन्डल भएको प्याक लिन सक्छन्। यस प्याकमा पाइने अल नेट टक टाइम र एसएमएसको समयावधि ३ दिनको हुन्छ।
संविधान दिवसको अवसरमा ल्याइएका दुवै प्याकले ग्राहकलाई ठूलो महत्त्व राख्ने विश्वास रहेको एनसेलले जनाएको छ। यी प्याकमार्फत ग्राहकले अझ सुलभ दरमा भ्वाइस, डेटा र एसएमएस सेवा लिन सक्छन्।
