प्रतिनिधि सभा बैठक बस्दै, प्रतिपक्षको अवरोध हट्ने सम्भावना रहेन
हाम्रा कुरा
प्रकाशित २०७८ फागुन २२ आइतबार
470
Shares
तस्बिर– फाइल
काठमाडौं । प्रतिनिधि सभाको बैठक आज दिउँसो बस्दैछ । बैठक दिउँसो १ बजे बस्ने गरी संसद सचिवालयले बैठकका सम्भावित कार्यसूची सार्वजनिकसमेत गरेको छ ।
सम्भावित कार्यसूचीमा प्रधानमन्त्री शेरबहादुर देउवाले ‘अख्तियार दुरुपयोग अनुसन्धान आयोगको ३१औँ वार्षिक प्रतिवेदन पेस गर्ने कार्यक्रम रहेको छ ।
संसद बैठकअघि सभामुख अग्निप्रसाद सापकोटाले बिहान साढे ११ बजे कार्यव्यवस्था परामर्श समितिको बैठक बोलाएका छन् । उक्त बैठकबाट थप कार्यक्रम तय हुन सक्नेछन् ।
यो बैठकमा पनि प्रमुख प्रतिपक्ष दल नेकपा एमालेको अवरोध कायमै रहने छ । सत्ताधारी गठबन्धनले संसद खुलाउन पहल गर्न सकेको छैन । एमालेले पनि आफू नेतृत्वको सरकार हटेपछि अहिलेको गठबन्धनलाई मानेको छैन ।
उनले आफूले हटाएका १४ सांसदलाई कारबाही वा सभामुख सापकोटाको राजीनामा मागेको छ । सभामुखले भने यो विषय अदालतमा पेश भएकाले अदालतमा विचाराधीन मुद्दामा आफूले केही गर्न नसक्ने प्रतिक्रिया दिइरहेका छन् ।
एमालेले गत भदौ २३ गतेदेखि लगातार संसद् अवरोध गर्दै आएको छ ।
