-
-
-
-
काठमाडौं । प्रतिनिधि सभा बैठक आइतबारसम्मका लागि स्थगित गरिएको छ । आज बसेको बैठकमा राष्ट्रिय सूचना आयोगको वार्षिक प्रतिवेदन, आर्थिक वर्ष २०७७–०७८ पेस गरिएको छ ।
एमाले सांसदको नाराबाजीकाबीच सो प्रतिवेदन पेस गरिएको थियो । तत् पश्चात सभामुख अग्निप्रसाद सापकोटाले २२ फागुन आइतबार दिउँसो १ बजे बस्नेगरी बैठक स्थगित गरेको जानकारी दिए ।
एमालेले आफू सरकारबाट हटेदेखि निरन्तर संसद बैठक अवरुद्ध गर्दै आएको छ । आइतबार मात्रै एमालेको अवरोध (तर एमालेका सांसद भीम रावलले प्रत्यक्ष सहभागीता जनाएको एमसीसीको पारित गर्ने समय) बीच एमसीसी पारित भएको थियो ।
एमालेले संसद अवरुद्ध गर्दै आए पनि मंगलबार मात्रै आफूहरुलाई सहभागी हुने वातावरण नबनाइएको भन्ने आपत्ति जनाएको थियो । उसले सभामुख सापकोटालाई आरोपसमेत लगाएको थियो ।
