-
-
-
-
काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले अमेरिकी मिलिनियम च्यालेञ्ज कर्पोरेसन (एमसीसी) पास नहुने घोषणा गरेका छन् ।
मङ्गलवार पार्टी निकट युवा सङ्गठन वाईसीएलको केन्द्रीय कमिटी बैठकलाई सम्बोधन गर्दै प्रचण्डले एमसीसी संसदबाट पास नहुने बताए ।
‘सरकारले अमेरिकालाई कूटनीतिक नोट पठाएको थियो, त्यसको जवाफ आएको छैन, त्यस कारण एमसीसी सांसदबाट पास हुँदैन,’ प्रचण्डले बैठकलाई सम्बोधन गर्दै भने ।
सो क्रममा उनले राष्ट्रियता कमजोर पार्ने गरी माओवादी केन्द्रले कुनै पनि सम्झौता नगर्ने बताए । यसअघि माओवादी केन्द्रका अन्य नेताहरूले समेत एमसीसी हालकै अवस्थामा पास गर्न नसकिने बताउँदै आइरहेका थिए ।
