राष्ट्रियसभामा ओलीको गुनगान: ओली ‘राजनेता’ भएको दाबी
हाम्रा कुरा
प्रकाशित २०७८ साउन २६ मंगलबार
416
Shares
काठमाडौं । राष्ट्रियसभा सदस्य खिमलाल भट्टराईले नेपाली कांग्रेस नेतृत्व सरकारको चर्को आलोचना गरेका छन् ।
मंगलबार राष्ट्रिय सभा बैठकमा बोल्दै उनले कांग्रेसले राष्ट्रियताको अगुवाइ गर्न नसक्ने आरोप लगाउँदै कांग्रेसले वीपी कोइरालाको आदर्श विर्सिएको बताए ।
सम्बोधनका क्रममा भट्टराईले केपी शर्मा ओली ‘राजनेता’ भएको दाबी गरे । उनले ओलीको निष्ठामाथि प्रश्न गर्नु अनुचित हुने भन्दै उनले ओलीको प्रशंसा गरे ।
ओली सिंहदरबार छोडेर बालकोट गएको अवस्थामा समेत ओलीकै चर्चा सर्वत्र हुने गरेको बताउँदै उनले भने,‘राजनेता भनेपछि राजनीति उसकै वरिपरि घुमेको हुने रहेछ साथै सदन, सडक र सरकारमा उसकै विचारबाट गाइडेड हुनुपर्ने रहेछ ।’
देशले एउटा राजनेता जन्माएको र त्यो राजनेता फेरि फर्केर आउने दाबी गर्दै उनले भने,‘एउटा आशलाग्दो सरकार थियो, जसलाई घेराबन्दीबाट हटाइयो, गुटबन्दीबाट हटाइयो, मुद्दा मामिलाबाट हटाइयो, ढोकाबाट होइन झ्यालबाट हटाउने काम भयो ।’
