-
-
-
-
पर्सा । तीन बोरा गाँजासहित नेपाल प्रहरीले २ जनालाई पक्राउ गरेको छ ।
प्रहरीले मकवानपुर राक्सीराङ गाउँपालिका वडा नं ५ ताङराङ टोलका प्रजा दाजुभाइलाई पक्राउ गरेको छ । पक्राउ पर्नेमा ४० वर्ष वीर बहादुर प्रजा र २० वर्ष सोमलाल प्रजा रहेका छन् ।
उनीहरूलाई पर्साको पटेर्वासुगौलीबाट खटिएको प्रहरी टोलीले शङ्का लागेर जाँच गर्दा गाँजा भेटिएको हो ।
दुवैले पिठ्यूँमा ३ वटा बोराभित्र लागु औषध गाँजा ४० केजी बोकी ल्याएका थिए ।
गाँजा बरामद गरी दुवैलाई नियन्त्रणमा लिएर लागु औषध सम्बन्धी कसुरमा अनुसन्धान अगाडि बढाइएको प्रहरीले जनाएको छ ।
