काठमाडौँ । भारतमा जारी इन्डियन प्रिमियर लिग आईपीएल टी–२० क्रिकेटमा कीर्तिमानी टिम सनराइजर्स हैदराबादको जितमा पूर्णविराम लागेको छ । पछिल्ला खेलहरुमा उच्च योगफल बनाउने कीर्तिमान बनाइरहेको हैदराबाद पुछारको रोयल च्यालेन्जर्स बैंगलुरूसँग ३५ रनले पराजित भएको हो ।
खेलमा पहिले ब्याटिङ गरेको बैंगलुरूले ७ विकेटको क्षतिमा २०६ रन बनायो । विराट कोहलीले ४३ बलमा ५१, रजत पटिदारले २० बलमा ५० तथा क्यामरुन ग्रिनले २० बलमा ३७ रन बनाए । जयदेव उनादकतले ३ विकेट लिए ।
जवाफमा हैदराबादले ८ विकेटको क्षतिमा १७१ रन बनायो । शहबाज अहमदले ३७ बलमा अविजित रहँदै ४० तथा अभिषेक शर्माले १३ बलमा ३१ रन बनाउन सके ।
क्यामरुन ग्रिन, स्वप्निल सिंह र कर्ण शर्माले २–२ विकेट लिए ।
अंक तालिका
८ खेलबाट १४ अंकसहित राजस्थान रोयल्स शीर्ष स्थानमा रहेको छ । कोलकाता नाइट राइडर्स ७ खेलबाट १० अंकसहित दोस्रो स्थानमा छ ।
सनराइजर्स हैदराबाद ७ खेलबाट १० अंकसहित तेस्रो स्थानमा छ ।
लखनउ सुपर जाइन्टस ८ खेलबाट १० अंकसहित चौथो स्थानमा छ । चेन्नई सुपर किंग्स ८ खेलबाट ८ अंकसहित पाँचौँ स्थानमा छ ।
दिल्ली क्यापिटल्स ९ खेलबाट ८ अंकसहित छैटौँ स्थानमा छ । गुजरात टाइटान्स ९ खेलबाट ८ अंकसहित सातौैँ स्थानमा छ । मुम्बई इन्डियन्स ८ खेलबाट ६ अंकसहित आठौँ स्थानमा छ ।
प्लेअफ होडबाट बाहिरिएको पञ्जाब किंग्सको ८ खेलबाट ४ तथा रोयल च्यालेन्जर्स बैंगलुरूको ९ खेलबाट ४ अंक छ ।
आजको खेल
आजको खेलमा कोलकाता नाइट राइडर्स र पञ्जाब किंग्स खेल्दैछन् । खेल बेलुकी ७ः४५ बजेदेखि इडेन गार्डेनमा शुरु हुँदैछ ।
प्लेअफ नजिक रहेको कोलकातालाई यो खेल जित्दा थप सहज हुनेछ भने पञ्जाब प्लेअफ सम्भावनाबाट बाहिरिइसकेको छ ।
हैदराबाद यो सिजन सर्वाधिक रन बनाउने टिम बनेको छ । आक्रामक ब्याटिङ गर्दै आएको छ । प्लेअफका लागि बलियो दाबेदारी दिइरहेको हैदराबादले घरेलु मैदानमा सबैभन्दा कमजोर बैंगलुरूमाथि फराकिलो जित हासिल गर्ने अपेक्षा गरिएको छ ।
तर बैंगलुरूलाई गुमाउन बाँकी केही पनि नरहेकाले खुलेर खेलेर हैदराबादलाई झड्का नदेला भन्न सकिन्न ।
