ओलीले अदालतको अवहेलना गरेको प्रश्न उठ्दा ‘चोलेन्द्र श्रीमान’को जवाफ-'बजारको कुरा सुनिसाध्य छैन'
प्रकाशित २०७७ माघ ११ आइतबार
534
Shares
काठमाडौं । संवैधानिक इजलासमा प्रतिनिधिसभा विघटनबारे सुनुवाइ भइरहँदा प्रधानमन्त्री केपी शर्मा ओलीले अदालतको अवहेलना गरेको भन्ने प्रश्न उठेको छ ।
आइतबार सुनुवाइका क्रममा रिट निवेदक समेत रहेका वरिष्ठ अधिवक्ता दिनेश त्रिपाठीले प्रधानमन्त्री ओलीले खुलेआम अदालतको अवहेलना गरेको बताएका थिए । प्रधानमन्त्रीले अदालत र वकिलबारे दिएका अभिव्यक्ति रोक्न पनि उनले माग गरेका हुन ।
प्रधानमन्त्रीले सार्वजनिक मञ्चहरूमा सर्वोच्च अदालतको विषयमा हस्तक्षेप हुनेगरी अभिव्यक्ति दिइरहेको भन्दै इजलाशको ध्यानाकर्षण गराएका हुन ।
त्रिपाठीले उठाएको सवालबारे प्रधान्यायाधीश चोलेन्द्रशमशेर राणाले बजारमा क-कसले के हल्ला गर्छन् भन्ने अदालतले नसुन्ने जवाफ फर्काए ।
‘हामीले बजारमा को-को के हल्ला गर्छन ? के धारणा राख्छन ? हामीले कसैको कुरा सुन्दैनौं,’ प्रधानन्यायाधीशको जवाफ थियो । उनले बजारका कुरा सुनिसाध्य नभएको बताए ।
