दार्चुला । दार्चुलामा लकडाउनको समयमा एक १७ वर्षीया बालिकामाथि जबरजस्ती करणी भएको छ । जिल्लाको दुहुँ गाउँपालिका‐४ का ३२ वर्षीय गणेश लोथ्यालले व्याँस गाउँपालिका‐४ सुन्सेराकी १७ वर्षीया सपना (नाम परिवर्तत) गरिएकी बालिकामाथि जबरजस्तीकरणी गरेका हुन् ।
बैशाख २९ गते विहान ४ बजेतिर ब्रतबन्धमा गएकी सपनालाई लोथ्यालले जबरजस्ती करणी गरेको पिडितका आफन्तले आरोप लगाएका छन् ।
साथै लोथ्यालविरुद्ध जिल्ला प्रहरी कार्यालयमा जबरजस्तीकरणी विरुद्ध मुद्दा दर्ता गरिएको छ ।
पिडितका आफन्तले दिएको जाहेरीका आधारमा मंगलवार मुद्दा दर्ता गरिएको प्रहरी निरीक्षक सुरेन्द्र प्रसाद जोशीले जानकारी दिए ।
पीडित बालिका मानसिक रुपमा अपाङ्ग रहेको समेत उहाले बताए ।
