विराटनगर महानगरपालिकाको अन्तर्राष्ट्रिय मामिला सल्लाहकारमा सोमनाथ
प्रकाशित २०७६ फागुन १८ आइतबार
1.1k
Shares
विराटनगर । विराटनगर महानगरपालिकाको अन्तराष्ट्रिय मामिला सल्लाहकारमा जीपी कोइराला फाउन्डेसन अमेरिकाका अध्यक्ष सोमनाथ घिमिरे नियुक्त भएका छन् ।
विराटनगर महानगरका मेयर भीम पराजुलीले घिमिरेलाई सल्लाहकार नियुक्त गरेका हुन् ।
नियुक्ति उक्त पत्र अनुसार विराटनगर महानगरपालिका र अमेरिकाको कुनैपनि नगर या शहरसंग जोड्ने प्रावधान अथवा पुलको काम गर्नको लागि घिमिरेलाई जिम्मेवारी दिइएको छ।
अमेरिकाको कुनै पनि शहरसंग विराटनगर महानगरपालिका सहकार्य गर्दै विराटनगरलाई एउटा आधुनिक र स्मार्ट सिटी बनाउनलाई घिमिरेको सुझाव र पहल हुनेछ भन्नेमा विश्वस्त रहेको मेयर पराजुलीले भनेका छन् ।
आजको आधुनिक युगमा विराटनगरलाई अझैं राम्रो र विराटनगरवासीहरुलाई सरल, सुलभ र सजिलो कार्यका लागि ‘बिल्डिङ विराटनगर बेटर’ बीबीबी भन्ने नाराका साथ नारा मात्रमै समिति नरहेर अब कार्ययोजनाका साथ काम गर्न अघि बढेको छ भन्दै मेयर पराजुलीले घिमिरेलाई बधाई तथा कार्यकालको शुभकामना व्यक्त गरे ।
