-
-
-
-
काठमाडौं । वेष्ट इन्डिज विरुद्धको पहिलो टी–२० क्रिकेटमा भारतले जित निकालेको छ ।
लौडेरहिलमा शनिबार राति भएको खेलमा भारत ४ विकेटले विजयी बन्न सफल भएको हो ।
९६ रनको विजयी लक्ष्य पछ्याएको भारतले १७.२ ओभरमा ६ विकेटको नोक्सानीमा जित निकाल्न सफल भएको हो ।
रोहित शर्माले सबैभन्दा बढी २४ रन बनाएको इनिङमा कप्तान विराट कोहली र मनिश पान्डेले १९–१९ रन बनाए ।
यसअघि पहिले ब्याटिङ गरेको वेष्ट इन्डिजले काइरोन पोलार्डको ४९ रनको मद्धतमा ९ विकेटको नोक्सानीमा ९५ रन बनायो ।
निकोलस पुरनले २० रन बनाए । बाँकी कुनै पनि खेलाडीले दोहोरो स्कोर खडा गरेनन् । नवदिप साइनीले ३ विकेट लिए । भुवनेश्वर कुमारले पनि २ विकेट लिए ।
जितपछि ३ खेलको सिरिजमा भारतले १–० को लिड लिन सफल भएको छ ।
