अतिरिक्त समयले गुल्टियो इंगल्याण्ड, नेदरल्याण्ड फाइनलमा
प्रकाशित २०७६ जेठ २४ शुक्रबार
275
Shares
काठमाडौं । अतिरिक्त समयमा सम्हालिन नसक्दा इंगल्याण्ड नेसन्स लिग फुटबलको सेमिफाइनलबाटै बाहिरिएको छ । इंगल्याण्डलाई हराउँदै नेदरल्याण्ड फाइनलमा प्रवेश गरेको हो ।
बिहीबार राति भएको सेमिफाइनलमा नेदरल्याण्ड ३–१ गोल अन्तरले विजयी भएको हो । निर्धारित ९० मिनेटको खेल १–१ गोलको बराबरीमा सकिएपछि अतिरिक्त समयमा खेल गयो ।
तर त्यो समय नेदरल्याण्डका लागि उपयुक्त समय रह्यो ।
खेलको ३२ औं मिनेटमा मार्कोस रासफोर्डको गोलबाट इंगल्याण्डले खेलमा अग्रता लिएको थियो । डि लिटले ७३ औं मिनेटमा गोल गर्दै नेदरल्याण्डलाई खेलमा फर्काए ।
थपिएको अतिरिक्त समयको सातौं मिनेटमा वाल्करको आत्मघाती गोलमा नेदरल्याण्डले खेलमा अग्रता बनाएको थियो । त्यसको अर्को सात मिनेटमा प्रोमिसले गोल गर्दै नेदरल्याण्डलाई फाइनलमा पुर्याए ।
जाडोन सान्चोले दुई वटा उत्कृष्ट अवसर गुमाएपछि इंगल्याण्ड पराजित भयो ।
नेदरल्याण्डले उपाधिका लागि फाइनलमा पोर्चुगलसंग खेल्नेछ । इंगल्याण्डले तेस्रो स्थानका लागि स्वीटजरल्याण्डसंग खेल्नेछ ।
पोर्चुगलले सेमिफाइनलमा क्रिस्टियानो रोनाल्डोको ह्याट्रिकमा स्वीटजरल्याण्डलाई ३–१ गोल अन्तरले हराएको थियो ।
