-
-
-
-
काठमाडौं । स्पेनिश लिग फुटबलमा लिग च्याम्पियन बार्सिलोना र तेस्रो स्थानमा रहेर लिग सकाएको रियाल मड्रिडले यसपटक अन्तिम खेल खुशीसहित टुंग्याउन सकेनन् ।
आइतबार भएको खेलमा बार्सिलोनाले आइबरसंग २–२ गोलको बराबरी खेल्यो ।
आइबरको मैदानमा सुरुवाती अग्रता उल्टाएर बार्सिलोनाले बराबरीसम्म पुर्याएको हो । निकै फराकिलो अन्तरले उपाधि जितेको बार्सिलोनाका लागि दुवै गोल कप्तान लियोनल मेस्सीले गरे ।
आइबरका लागि मार्क कुकुरेल्ला र पाब्लो डी ब्लासिसले १–१ गोल गरे ।
बराबरीसंगै बार्सिलोनाले ३८ खेलबाट ८७ अंक जोड्यो । दोस्रो स्थानको एट्लेटिको मड्रिडको ७६ अंक जोड्यो ।
तेस्रो स्थानको रियाल मड्रिडको जम्मा ६८ अंक रह्यो । अन्तिम खेलमा रियाल रियाल बेटिससंग २–० गोल अन्तरले पराजित भयो ।
घरेलु मैदानमै रियाल मड्रिड पराजित भएको हो । बेटिसलाई जित दिलाउन लोरेन मोरोन र जेसेले एक एक गोल गरे ।
लेखाजोखा–
बार्सिलोना, एथलेटिको मड्रिड, रियाल मड्रिड र भ्यालेन्सिया च्याम्पियन्स लिगमा छानिँदा गेटाफे, सेभिया र स्पानियोल (छनोट चरण) युरोपा लिगका लागि छानिएका छन् ।
गिरोना, राए भाएकानो र हुएस्का रेलिगेशनमा परेका छन् ।
