आयाक्सले ३८ वर्षपछि हरायो च्याम्पियन्स लिगमा टोटनह्यामलाई, जानले गरे बान्ता
रातिको भिडन्त बार्सिलोना र लिभरपुलबीच
प्रकाशित २०७६ वैशाख १८ बुधबार
666
Shares
काठमाडौं । च्याम्पियन्स लिग फुटबलमा डच क्लब आयाक्सले इंगलिश क्लब टोटनह्याम हट्ुसपरलाई ३८ वर्षपछि हराएको छ । मंगलबार राति भएको पहिलो लेगमा अजाक्सले टोटनह्यामलाई १–० अन्तरले हरायो ।
टोटनह्यामको घरेलु मैदान टोटनह्याम हट्सपर स्टेडियममा भएको खेलमा आयाक्सलाई जिताउन खेलको १५ मिनेटमा डोनी भान डे बीकले निर्णायक गोल गरे ।
खेलमा टोटनह्यामका डिफेन्डर जान भर्टोङहेन गम्भीर घाइते भएका छन् । आयाक्सका गोलकिपर आन्द्रे ओनानासंग ठोक्किएपछि उनी गम्भीर भएका हुन् ।
जानको टाउको ठोक्किएपछि उनले बान्ता गरेका थिए ।
दोस्रो लेगको मे ९ तारिखमा आयाक्सको मैदानमा हुनेछ । यसअघि सन् १९८१ मा युरोपियन कप ‘विनर्स कप’ मा आयाक्सले टोटनह्यामलाई हराएको थियो ।
अर्को सेमिफाइनलको पहिलो लेगमा बुधबार राति १२ः४५ बजे स्पेनिश क्लब बार्सिलोनाले इंगलिश क्लब लिभरपुलसंग घरेलु मैदान नोउ क्याम्पमा खेल्दैछ ।
च्याम्पियन्स लिगको फाइनल खेल जुन १ तारिखमा हुनेछ ।
