पाँच ओभरको खेलमा पनि बर्षा भिलेन, बैंगलोर बाहिरिने पहिलो टिम
प्रकाशित २०७६ वैशाख १८ बुधबार
245
Shares
काठमाडौं । भारतमा जारी आइपीएल टी–२० क्रिकेट अन्तर्गत रोयल च्यालेन्जर्स बैंगलोर र राजस्थान रोयल्स बीचको खेल वर्षाले गर्दा रद्द भएको छ ।
बैंगलुरुस्थित मैदानमा मंगलबार राति वर्षाले खेल प्रभावित गरेपछि बैंगलोर र राजस्थानबीचको खेल नतिजाविहीन बनेको हो ।
लामो समय वर्षा भएपछि ५ ओभरमा मात्र घटाइएको खेल पनि पूरा हुन नसकेपछि खेल रद्द हुँदा खुवै टिमले १–१ अंक बाँड्न पुगे ।
खेलमा बैंगलोरले ६३ रनको चुनौती दिएको थियो । राजस्थानले ब्याटिङ गरिरहँदा वर्षाले खेल असम्भव हुनुअघि ३.२ ओभर खेल्दै १ विकेटको नोक्सानीमा ४१ रन बनाएको थियो । सन्जु सामसनले १३ बलमा २८ रन बनाएका थिए । यस्तै लियाम लिभिङस्टोन १२ रनमा नटआउट थिए । पाँच ओभरको खेलमा बैंगलोरले बनायो ७ विकेटको नोक्सानीमा ६२ रन
यसअघि टस हारेर पहिले ब्याटिङ गरेको बैंगलोर ५ ओभरमा ७ विकेटको नोक्सानीमा ६२ रन जोडेको थियो । कप्तान विराट कोहलीले २५ तथा एबीडी भिलियर्सले १० रन जोडेबाहेक कसैले दोहोरो अंक बनाउन सकेनन् ।
