काठमाडौं । एकै खेलमा १५ पेनाल्टी त्यसमाथि पनि बलियो इंगलिश क्लव म्यानचेस्टर युनाइटेडको परिणाम हारको । इंगलिश फुटबल लिग इएफएल कपको तेस्रो चरणबाट युनाइटेड बाहिरिएको हो ।
इएफएल कप अन्तर्गत मंगलबार राति च्याम्पियनसिप कप टोली डर्वी काउन्टीसँग सडनडेथमा ८–७ ले पराजित हुँदै तेस्रो चरणबाटै बाहिरिएको हो ।
घरेलु मैदान ओल्ड ट्राफोर्डमा भएको प्रतिस्पर्धात्मक खेल निर्धारित समयमा २–२ गोलको बराबरीमा सकिएको थियो । युनाटेडका हुवान माटा र मराउने फेलियानील गोल गरेका थिए ।
डर्वीका ह्यारी विल्सन र ज्याक मारिओटले गोल गरेका थिए । घरेलु मैदानमा युनाइटेडले खेलको तेस्रो मिनेटमा नै अग्रता बनाएको थियो । माटाले तेस्रो मिनेटमा गोल गर्न सफल भएका थिए । पहिलो हाफसम्म १–० को अग्रता लिएको युनाइटेडले दोस्रो हाफमा सोचे अनुरुपको खेल पस्कन सकेन ।
दोस्रो हाफको ५९औं मिनेटमा ह्यारी विल्सनले गोल गरेपछि खेल १–१ गोलको बराबरीमा पुगेको थियो । ६७औं मिनेटमा युनाइटेड १० खेलाडीमा समेटियो । गोलरक्षक सर्जियो रोमेरोले रातो कार्ड खादै मैदानबाट बाहिरिएपछि युनाइटेड संकटमा परेको थियो ।
फलस्वरुप ८६औं मिनेटमा ज्याक मोरिओटले गोल गरेपछि डर्वी खेलमा २–१ ले अघि बढेको थियो । तर, ९० औं मिनेटमा फेलियानीले गोल गरेपछि निर्धारित समयको खेल २–२ गोलको बराबरीमा सकिएको थियो । निर्णायक पेनाल्टीमा जोन स्टोन चुकेपछि युनाइटेडले खेल ८–७ ले गुमाउन पुग्यो ।
