-
-
-
-
काठमाडौं । इंगलिस प्रिमियर लिग फुटबलमा म्यान्चेस्टर युनाइटेडले सन् १९९२ पछिकै खराव प्रदर्शन गरेको छ ।
युनाइटेडले सन् १९९२ पछि सुरुवातका ३ मध्ये २ खेलमा हार बेहोरेको हो । युनाइटेडले घरेलु मैदान ओल्ड ट्राफोर्डमा टोटनह्याम हट्सपरसंग ३–० को हार भोगेको हो ।
टोटनह्यामका लागि लुकास मौराले २ तथा ह्यारी केनले १ गोल गरे ।
मध्यान्तरअघि युनाइटेडका रोमेलु लुकाकुले गोल गर्ने सुवर्ण अवसर खेर फालेका थिए ।
यो हारले युनाइटेड प्रशिक्षक जोजे मौरिन्होको चर्को आलोचना भएको छ । उनले एलेक्सिस सान्चेजलाई बेन्चमा राखेका थिए ।
लगातार दोस्रो हारपछि उनले भनेका छन्, ‘मैले बाँकी १९ बोसहरुले भन्दा राम्रो सफलता हासिल गरेको छु ।’
लिगमा लिभरपुल, टोटनह्याम, चेल्सी र वाटफोर्डले समान ९–९ अंक हासिल गरेका छन् भने म्यान्चेस्टर युनाइटेड ३ खेलबाट ३ अंक सहित १३ औं स्थानमा छ ।
