बझाङ। कर्मचारीको लापरबाहीका कारण नेपाल राष्ट्रिय वाणिज्य बैंक बझाङ शाखामा संस्थागत तथा ब्यक्तिगत  खाता खोलिएका मध्ये झण्डै १४ हजार बैंक खाताहरु रोक्का हुने भएका छन् । नेपाल राष्ट्रिय बाणिज्य बैंकले गत बर्षबाट ग्राहक पहिचान बिबरण फारम अध्यावधि गर्न सुरु गरेपछि यस्तो प्रकृया पुरा नगर्ने खाता साञ्चालकहरुको असार १५ गते बाट खाता रोक्का हुदै छन् ।
 
 बाणिज्य बैंक बझाङ शाखामा कर्मचारीहरुले समयमै स्थानीय सेवाग्राहीहरुलाई ग्राहक पहिचान बिबरण भर्नुपर्ने बारे सार्बजनिक सुचना नगरेका कारण  खाता रोक्का हुन लागेको हो ।   बैंकको बझाङ शाखामा रहेका ब्यक्तिगत र संस्थागत गरि २२ हजार पाँच सय ३७ खाता रहेकोमा ८ हजार पाँच सय पैचालिस खाताको मात्र केवाईसी अर्थात ग्राहक पहिचान बिबरण अध्यावधि भई सकेको बताउदै बाणिज्य बैंक बझाङ शाखाका प्रबन्धक प्रकाश बहादुर सिंहले भने  'खाता अध्यावधि नगर्ने १३ हजार ९ सय ९२ खाता रोक्का हुदैछ।

 बाणिज्य बैंकले देशै भरि खाता अध्यावधि गर्न सर्कुलर गरे पनि सेवाग्राहीहरुले चासो नदेखाएका कारण  धेरै खाताहरु रोक्का हुन लागेको प्रबन्धक सिहंले बताए  । उनले  यस मध्ये झण्डै सात आठ हजार खाता निस्कृय भएकाले यस्ता खाताहरु ग्राहक पहिचान बिबरण समेत नभरिने साथै यस्ता किसमका खाताहरु लाई बैंकबाट हटाईने जानकारी दिए ।
 
बैंकले सेवाग्राही बैकंमा सेवा लिन आउदा मात्र  केवाईसी फारम अध्यवधी गर्नु पर्ने नत्र भने चेक समेत साट्न आनाकानी गर्ने भएपछि  अहिले रावा बैकंमा खाताको अध्यावधि गर्ने ग्राहकहरुको सख्या बढ्दै गएको छ । २०६५ सालमा गोपुदा खानेपानी उपभोक्ता समितीको खाता सञ्चालन भएको तर हाल साता सञ्चालक हरु बिदेशमा रहेकाले उक्त खाताको केवाईसी भर्नु परेको बुगंल नपा ५ का बिर सिंह बोहराले बताए  । उनले गाँउमा किसान ,महिला समुह, पुराना कोषहरु ,सहकारीहरु बिध्यालयहरु साथै ब्यक्तिगत खाताहरुको केवाईसी गर्ने सुचना नभएको र यसका बारेमा प्रकृया समेत नबुझेका कारण अनावश्यक झन्झट  बेहोर्नु परेको बताए ।

ग्राहकहरुलाई सार्बजनिक रुपमा जानकारी नदिईएको कतिपय ग्राहकको गुनासो छ । केवाईसी अपडेड गर्नु पर्छ भन्ने जानकारीसम्म ग्राहलाई हुदैन चेक साट्न आएका बेला मात्र तपाईको केवाईसी फारम अध्यावधि छ की छैन भनेर बैंकका स्टापहरु सोध्छन् स्थानीय सुबास खड्काले भने 'यस बैकंका कर्मचारीहरुको चरम लापरबाही छ' । पछिल्लो समयमा ग्राहकहरुमा पैसा ठगिदै आएको गुनासो समेत आउने गरेको वाणिज्य बैंकले हालसम्म कुनै पनि स्थानमा केबाईसि फर्म अध्यावधि गर्नु पर्ने सार्बजनिक सुचना समेत प्रकाशन तथा प्रसारण गरेको छैन् ।
 
पछिल्लो समयमा नेपाल बाणिज्य बैंकले आफनो कारोवारलाई अनलाईन तथा कम्प्यूटर प्रबिधिबाट  सुरु गर्न थालेपछि सेवाग्रहीको कामको छिटो छरितो र पारदर्षीताका लागी खाताहरु अध्यावधि गरिरहेको छ । खाता अध्यावधिका लागी बैकंबाट उपलब्ध हुने  ग्राहक पहिचान बिबरण ,नमुना दस्तखत काड , नेपाली नागरिकताको प्रमाण पत्र , दुई प्रति पासपोट साईजको फोटो आवश्यक पर्छ ।